5 պարզ քայլեր Քրիստոնյա երիտասարդների համար

Դառնալ Հիսուս Քրիստոսի աշակերտը - սա ամենակարևոր որոշումն է , որ մարդ կարող է ընդունել իր կյանքում : Սա անհավանական արկածախնդրության սկիզբ է , իսկ ցանկացած ճանապարհ սկսվում է առաջին քայլով : 

արի խոսենք 5 կարեւոր քայլերի մասին, որոնք քեզ կտանեն հաղթանակի:

 Քայլ 1. Կարդա Աստվածաշունչը  

Հնարավոր է, որ դու կարդացել ես Աստվածաշունչը և մի փոքր շփոթվել ես : Անհանգստանալու կարիք չկա ,դա նորմալ է : Ի Վերջո սա արտասովոր գիրք է քեզ համար :Աստվածաշունչը բաղկացած է 66 անհատական գրքերից, որոնք գրվել են ավելի քան 1500 տարվա ընթացքում քառասուն տարբեր հեղինակների կողմից: Ամբողջ Աստվածաշունչը ներշնչված է Աստծուց եւ գրված է մեր Գործածության համար,դրանք կօգնեն քեզ որպեսզի քո կյանքի ցանկացած իրավիճակում ճիշտ և խելամիտ ձևով վարվես : Ընթերցանության հրաշալի սկիզբ կարող է լինել Նոր Կտակարանում Հովհաննեսի Ավետարանը : Այն բացատրում է թե որքան  և ինչու է  Աստված սիրում մեզ : Այն նաեւ տալիս է ճշգրիտ հասկացողություն, թե ով է Աստծո Որդին, Հիսուսը:

Եթե դու չունես Աստվածաշունչ, խնդիր չէ: Այժմ կան բազմաթիվ անվճար ծրագրեր եւ առցանց տարբերակներ: ես խորհուրդ եմ տալիս YouVersion հավելվածը այլ լեզուների համար , և Bible Stone -ը Հայերեն տարբերակի համար :
եթե ցանկանում ես կարդալ համակարգչով ապա սեղմիր այստեղ 


  Քայլ 2. Աղոթիր

Աստված սիրում է քեզ եւ հաճույքով լսում է քեզ : Հաղորդակցությունը չափազանց կարեւոր է ցանկացած հարաբերություններում, իսկ աղոթքը հենց ճշգրտորեն հաղորդակցությունն է Աստծո հետ : Նա իսկապես ուզում է լսել քեզ : Դու կարող ես կիսվել Նրա հետ ցանկացած թեմայով ,և կարող ես լսել Նրա պատասխանը,ընդունիր նրան որպես քո Հայր կամ քո ընկեր : Դու պարտավոր չէս  աղոթել կամ գործել որոշ ծեսերի  եւ կանոնների համաձայն ինչպես որ հիմնականում անում են շատերը , որոշները նաև աղոթում են որոշ գրքերից աղոթքներ կարդալով ,մարդկանց մի մասն էլ մոմ է վառում , բայց դրանց կարիքը այդքան էլ չկա :
Պարզապես աղոթիր, այնպես ինչպես հարմար ես գտնում, նա ընդունում է ցանկացած աղոթք ,որը դուրս է գալիս անկեղծ սրտից , նա միշտ լսում է քեզ և նա միակն է ով երբեք չի դատում ,չի մեղադրում քեզ քո սխալների և անցյալում կատարած սխալ քայլերի համար:  

 Քայլ 3. Գոհացիր

Հավատացնում եմ , որ մեզնից յուրաքանչուրը որևէ պատճառ ունի Աստծուն շնորհակալույթուն հայտնելու : Առավոտյան բացեցի աչքերս , եւ արդեն իսկ ունենք առիթ ասելու «շնորհակալություն» Աստծուն: Աստվածաշունչը հստակ ասում է, որ մենք պետք է շնորհակալ լինենք ամեն բանի համար համար, և որ  դա Աստծո կամքն է մեր կյանքի համար (1 Թեսաղոնիկեցիներ 5:18): Իհարկե դա որևէ պատճառ ունի , երբ մենք մեր ունեցած քչի մեջ հավատարմություն ենք ցուցաբերում ,Աստված տալիս է մեզ ավելին քան մենք կարող ենք ակնկալել : Այն մարդը ով ուրախությամբ և գոհությամբ  պատրաստ է ընդունել կյանքի խոչըդնոտները , մշտապես զվարթ է ի շնորհիվ Աստծո խաղաղության և ներկայության իր կյանքում , իսկ այդ մասին գրել է իմաստուն Սողոմոն Թագավորը  . 
«Զվարթ սիրտը օգտակար է որպես դեղ» (Առակաց 17.22): 


 Քայլ 4: Շփվիր այլ քրիստոնյաների հետ

Իրականում շատ կարեւոր է հաղորդակցվել այն մարդկանց հետ, ովքեր նույնպես հետեւում են Քրիստոսին, դա կօգնի որպեսզի ավելի լավ ճանաչես Աստծուն , և գուցէ շատ մարդիկ քեզ համար հրաշալի օրինակ դառնան ,որոշների հետ կարող ես միասին ուսումնասիրել Աստվածաշունչը : Կան մի քանի հրաշալի տարբերակներ : Խորհուրդ եմ տալիս որպեսզի միանաս տեղի եկեղեցիներից որևէ մեկին: Եթե Չգիտես որ եկեղեցին հաճախես և ինչպես գտնես ճիշտ և առողջ եկեղեցի քեզ համար ,ապա կարող ես կապնվել մեզ հետ մեր Ֆեյսբուքյան էջի միջոցով , Ֆեյսբուքյան էջի հասցեն կտեղադրենք հոդվածի վերջում , մենք կօգնենք քեզ , սակայն դու ինքդ ես որոշում հաճախել եկեղեցի թե ոչ  :


 Քայլ 5: Կիսվիր քո հավատքով :

Սա հրաշալի նորություն է : Դու կարող ես երգել դրա մասին , խոսել  և գրել : Կարծում եմ շատ կարևոր է կիսվել մյուսների հետ այն ամենի մասին, ինչը փոխել է քո կյանքը :
Այլ կերպ դա կոչվում է "Վկայել" , իսկ վկայել դու կարող ես տարբեր ձևերով , ինչպես օնլայն այնպես և օֆլայն տարբերակով : Շատ լավ միջոց է սոց. ցանցում որևէ գրառում անելը ,պարզապես գրիր դրա մասին և կիսվիր մարդկանց հետ : Կարող ես ընկերոջդ հետ սրճել և նույնպես վկայել նրան այդպես :Անձամբ ինձ շատ են օգնել մարդկանց վկայությունները ,ովքեր անցել են դժվարությունների միջով և հաղթող են դուրս եկել : իմ ամենասիրելի վկայությունը կարող ես դիտել սեղմելով ՝  այստեղ  ,մաս 2 ՝ այստեղ ,սա մի հրաշալի պատմություն է մի կնոջ մասին ով Աստծո միջոցով հաղթահարել է շղթայավորված դաժանությունները ....


սա մի քանի գործնական խորհուրդներ էին որոնք կարող էին քեզ օգնել :-) , ես կփորձեմ մշտապես իմ բլոգում այլ նյութեր տեղադրել որոնք կարող են հետաքրքել քեզ  , հետևիր իմ ֆեյսբուքյան էջին կամ բլոգին նյութերը բլոգում տեղադրվելուց հետո կհայտնվեն նաև այնտեղ :
եթե սա քեզ օգտակար եղավ կիսվիր նաև նյութով ընկերներիդ հետ :
ինձ կարող ես գտնել նաև ֆեյսբուքում ՝ սեղմելով այստեղ  կամ  այստեղ

Սիրով Դավիթ Սիմոնյան ....
Աստված օրհնի քեզ:





Նյութը ստեղծելիս , օգտվել ենք նաև YesHeIs ընկերության որոշ գրառումներից :